Askofu Ngalalekumtwa ataka watawa kuiishi Injili

-

ASKOFU Tarcisius Ngalalekumtwa wa Jimbo Katoliki Iringa amewataka watawa kuwa vielelezo vya utakatifu na Injili ili wawe mfano kwa wanadamu.
Askofu Ngalalekumtwa amesema hayo katikati ya juma wakati wa kuweka nadhiri za kwanza kwa wanovisi 24 wa Shirika la Mtakatifu Teresia Mtoto Yesu Jimboni humo.
Wanovisi hao wametoka   majimbo mbalimbali ya Kanisa Katoliki nchini na kati yao watatu wametoka nchi ya Haiti.
Misa hiyo imefanyika kwenye kanisa la Moyo Mtakatifu wa Yesu Parokia ya Tosamaganga na kuhudhuriwa na mapadri, watawa wa kike na kiume pamoja na waamini wenye mapenzi mema kutoka ndani na nje ya Jimbo Katoliki Iringa.
Askofu Ngalalekumtwa amesema kwamba ikiwa watawa hao watakuwa ni vielelezo vizuri watawashawishi na wengine kuiga maisha yoa.
Amesema kuwa, wanatakiwa kuwa mfano wa kuigwa na anawaombea ili waweze kuzingatia ukweli wa majitoleo yao.
“Tunawaombea Kristo na Mama Bikira Maria aliye mfano wa mabikira, na Mtakatifu Teresia aliyemsimamizi wenu awasimamie katika utume wenu” amesema askofu Ngalalekumtwa.
Aidha askofu Ngalalekumtwa amesema kuwa, popote pale Kanisa litakapowahitaji sehemu yoyote wapate kuenenda vile Kristo anavyotaka.
Askofu Ngalalekumtwa amewataka pia waamini wote kuwaombea watawa hao, na pia watambue kwamba wanahitaji upendo wao, sala zao ili waweze kuviishi  viapo vyao kwa uaminifu.

“Kumfausa Kristo ni kazi ngumu yataka Neema ya Mungu, likiwepo Kanisa, shirika na Ulimwengu wahitaji watawa wenye msimamo unaoleweka,” amesema.

Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more