Askofu Kassala kutoa rehema kamili kwa wanahija Geita

-
Na Salvatory Magangira
Askofu wa Jimbo Katoliki Geita Mhashamu Flavian Kassala amesema atatoa Rehema Kamili  “Indulgensia” kwa wanahija watakaohiji katika Kituo cha Hija cha Nyamatongo Parokiani Nyantakubwa jimboni humo.
Akizungumza katika Misa Takatifu ya Ushemasi wa Frateli Albert Warioba wa Jimbo Katoliki Geita, Askofu Kassala amesema anatumia uwezo wake aliopewa na Baba Mtakatifu kutoa rehema kamili kwa baadhi ya wanahija watakaokidhi  vigezo Juni 15 mwaka huu vikiwemo kufanya majuto kamili, kuungama dhambi na kupokea Ekaristi Takatifu na kusali kwa ajili ya nia za Baba Mtakatifu.
Kituo hicho kilizunduliwa rasmi mwaka 2017 katika kuadhimisha miaka 100 ya Upadri Tanzania ambapo Waamini wa Jimbo la Geita walichagua kituo cha Nyamatongo kwa kuwa juu ya Kilima hicho alifariki Padri Pierre Combarieu na kuzikwa hapo mwaka 1881 baada ya jaribio la kuanzisha Misheni (Parokia) mahali hapo kukwama.
Miongoni mwa vivutio vinavyochochea mwamko wa kiimani katika Kilima hicho ni Msalaba mkubwa ulioachwa hapo na wamisionari tangu mwaka 1881 na kaburi la padri huyo lisiloonekana mahali hapo.
Wenyeji wa eneo hilo akiwemo mjukuu halisi wa Mtemi Rwoma aliyewapa wamisionari wa Kifaransa wa shirika la White Fathers ardhi hiyo ambaye bado yupo hapo jina lake Gabriel Rwoma amesisitiza kuwa eneo liliheshimiwa lisivamiwe na mtu yeyote mbali ya kuachanizwa kwa zaidi ya miaka 138.
kwa tamko lake la kuanza kutoka rehema kamili ambayo ni msamaha kamili wa adhabu za dhambi zote mtu alizotenda kila mwaka kwa washiriki wa hija watakaokidhi vigezo, Askofu Kassala ameipandisha hadhi hija ya mwaka huu ambapo mamia ya mahujaji wanategemewa kushiriki, wakiwemo wanakwaya ambao hufanya mashindano ya nyimbo na kuchangamsha tukio zima.
Hija hiyo ya Kijimbo iliyoidhinishwa na Askofu Kassala muda mfupi tu baada ya kusimikwa Jimboni Geita imezidi kuchukua umaarufu baada ya waamini kutoka parokia zote za Jimbo hilo na baadhi kutoka Jimbo Kuu Katoliki Mwanza kukubali kumiminika kwa wingi kushudia maajabu ya kilima hicho kila mwaka kwa kusali Misa takatifu, kupata semina za kiroho, kitubio na mafungo.
Wakizungumza kwa nafasi tofauti waamini wa Jimbo Katoliki Geita wameahidi kushiriki hija hiyo kwa wingi ijapokuwa baadhi wamekiri hawakuwahi kufahamu nini maana ya rehema kamili na hivyo kuwaomba mapadri watoe elimu ya kutosha wakati wa mahubiri Kanisani ili waamini walewe zaidi jambo hilo.



Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more