Balozi wa Baba Mtakatifu afanya ziara ya kichungaji Jimboni Musoma

-



Na Veronica Modest- Musoma
Balozi wa Baba Mtakatifu nchini Askofu Mkuu Marek Solczynski  amefanya ziara ya kichungaji kwa mara ya kwanza tangu kuteuliwa kwake,katika Jimbo  Katoliki  Musoma kuanzia Oktoba  02 hadi 09  mwaka huu.
Katika ziara hiyo Balozi huyo ametembelea maeneo mbalimbali ambapo Oktoba 02 alikuwa katika Parokia ya Kiabakari na aliongoza Ibada ya uzinduzi wa kituo cha Hija ya Huruma ya Mungu Kiabakari na kukipandisha kutoka hadhi ya Kijimbo hadi hadhi ya Kitaifa pamoja na kubariki Kikanisa (chapel)  cha Bikra Maria.
Ametembelea kliniki ya meno na macho katika kituo cha afya cha Blessed Pier Giorgio Frassati Kiabakari na kubariki wagonjwa.
Akiwa Parokiani hapo alikutakutana pia na mapadri ,watawa na waamini wa udekano wa Butiama.
Oktoba 03 Balozi huyo  akiwa katika Kanisa Kuu la Musoma alishiriki kusali Rozari Takatifu na waamini wa parokia hiyo na aliongoza  ibada ya Baraka Kuu na baadae alikutana na watawa na waamini  wa udekano wa Musoma .
 Oktoba 04 ametembelea ofisi ya Mkuu wa Mkoa wa Mara, baadae ameadhimisha Misa Takatifu  na katiak  Seminari ndogo  ya Makoko kisha kuwatembelea manovisi na kuwabariki masisita wazee na  wagonjwa katika nyumba yao iliyopo Makoko. Pia amefanya mazungumzo na masista wa shirika la  Moyo safi wa Maria Afrika .
 Oktoba 05,atatembelea Parokia ya Utegi ambapo atabariki wakristo na kubariki jiwe la msingi la nyumba mpya ya mapadri.
Kisha ataelekea Tarime ambapo atawabariki wakristu  na kubariki jiwe la msingi  la Kanisa jipya la parokia ya Tarime.
 Oktoba 06,atatembelea Parokia ya Mugumu na ataadhimisha Misa na kutoa Sakramenti ya ubatizo kwa watoto wachanga na kuwapa watoto Sakramenti ya  Komunyo ya kwanza kisha atabariki nyumba mpya ya masista,baadae ataelekea Fort Ikoma  Serengeti.
Oktoba 07 ,atasali Misa Takatifu  katika Parokia ndogo ya Serengeti(Fort Ikoma)kisha atakwenda Seronera.
Oktoba 8 ,atakuwa na Misa Bilila na katika Jumuiya ya Mt. Francis wa Assis  na wakristo wa eneo hilo,baadae ataelekea Serena,ambapo  atasali Misa katika Jumuiya ya Mtakatifu John Paul II.
Oktoba 09 ataondoka eneo la  Serengeti na kuelekea Mwanza .


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more