Askofu Dallu akemea uchumba sugu

-

Na Sr. Tuzo Nyoni OSB, Songea

WAamini wameaswa kuachana na tabia ya kuishi uchumba sugu bila kufunga ndoa. Badala yake wafunge ndoa ili wapate kupokea sakramenti mbalimbali katika kanisa.
Hayo yamesemwa hivi karibuni na Askofu Mkuu Damian Dallu wa jimbo Kuu Katoliki  Songea, wakati akihubiri katika Misa Takatifu ya jubilee ya miaka hamsini   ya Parokia ya Mtakatifu Martin wa Tur Mpandangindo iliyopo katika jimbo Kuu Katoliki Songea.
Askofu Dallu amesema kuwa, suala la uchumba sugu limekuwa likijitokeza katika parokia nyingi jimboni Songea na kuhimiza kuwa, waamini hawana budi kushika amri za Mungu na Kanisa kikamilifu.
Ameongeza kuwa, suala la kutoa zaka kwa waamini ni la msingi na kwamba waamini waachane na tabia ya kutoa zaka kwa Kanisa wakati wanapokuwa na majukumu ya kusimamia na kupokea sakramenti tu.
Akizungumzia sherehe ya Jubilei ya miaka 50 ya parokia hiyo ya Mpandangindo Askofu Dallu amesema , anatoa shukrani kwa uwepo wa wamisionari Wabenediktini walioleta Imani katika jimbo Kuu Katoliki Songea.
 Aidha amewataka waamini kuzisafisha nafsi na kuishi maisha yanayompendeza Mungu, na kuendelea kuliishi Neno la Mungu kama walivyofundisha wamisionari hao na kuwataka waamini kuwa na roho ya huruma, upendo na ukarimu kwa Kanisa zima la Mungu na kulitegemeza Kanisa.
Askofu Dallu amesema, Yesu Kristo tunakutana naye katika maisha ya kila siku na kufafanua kuwa  tunakutana na Yesu katika Misa Takatifu, katika Neno la Mungu, katika Ibada za kuabudu Ekaristi Takatifu.
Aidha katika mafundisho ya katekesi na katika matendo mema kwa wenzetu kama alivyofanya mtakatifu Martin wa Tur mlinzi wa parokia ya Mpandangindo ambaye alitoa hata kipande cha nguo yake kwa ajili ya wahitaji.
Parokia ya Mpandangindo kwa sasa inahudumiwa na mapadri wamisionari wa shirika la Wakarmel ambao hapa nchini Tanzania wapo katika Jimbo Katoliki  Morogoro  wapo parokia ya Malolo na Kihonda-, wapo pia Jimbo Kuu Katoliki Dar es salaam katika parokia ya mtakatifu Peter Claver Mbezi Luise, Parokia ya Teresia Mtoto Yesu Mbezi Mwisho na parokia ya Malamba ya Yohane wa Msalaba.
 Jimbo Kuu Katoliki Mbeya wapo katika parokia ya Yakobo Mtume  Uyole, na katika Jimbo Kuu Katoliki Songea Parokia ya Mpandangindo  ya Mtakatifu Martin wa Tur.


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina ...
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo ...
Read more

MJUE MTAKATIFU MARIA GORETTI

-
Image
Mt Maria Goreti alizaliwa mwaka 1890,Oktoba 16,huko Corinaldo,Ancona nchini Italia.Baba yake ambaye alikuwa mkulima,aliiamishia familia huko Ferrier di Conca,karibu na Anzio.Akafa baada ya kuugua malaria.Mama yake alifanya kazi nyingi kumudu familia.Wakati mama yake,kaka na dada zake wakienda shambani,yeye aliachwa nyumbani akipika,kusafisha nyumba na kumwangalia mdogo wake aliyeitwa Teresa.Japo familia ilikuwa maskini,lakini bado walimwamini Mungu. Mwaka 1902,Julai 5,jirani yao aliyeitwa Alessandra,alijaribu kumbaka Mtakatifu Maria Goreti.Maria alipiga yowe na kumwambia mbakaji,Hiyo ni dhambi,Mungu hapendi.Akasema pia kuwa yu tayari kufa kuliko kufanya dhambi ile.Alessandro alitoa kisu,akamchoma Maria mara 14,Sehemu mbalimbali .Hakupata msaada wowote mpaka mama yake,na ndugu zake waliporudi kutoka shamba.Wakampeleka hospitali ambako alifanyiwa matibabu na kushonwa bila ganzi.Daktari alikuwa na hakika kuwa Maria angekufa.Alimwomba Maria akienda mbinguni asimsahau.Siku iliyo...
Read more