Sera za nchi zisipingane na mpango wa Mungu-Ask. Dallu

-
Na Pascal Mwanache, Tunduru
WATUNGA sera mbalimbali za nchi wametakiwa kutekeleza majukumu yao kwa upendo na kwa kuwahusisha wadau wa sekta husika ili sera hizo sizipingane na mpango wa Mungu kwa watu wake.
Rai hiyo imetolewa na Askofu Mkuu wa Jimbo Kuu Katoliki Songea Mhashamu Damian Dallu wakati akitoa homilia yake katika Ibada ya masifu ya jioni yaliyotangulia kusimikwa na kuwekwa wakfu Askofu Filbert Mhasi wa Jimbo Katoliki Tunduru Masasi.
Askofu Dallu amesema kuwa Kanisa linaendelea kusali na kushukuru kwa hatua zile zinazochukuliwa na kuona kama kweli hakuna sheria zinazokuwa kinzani kwa nafasi ya Kanisa ya kutoa huduma mbalimbali nchini.
“Tunaendelea kusali kwa ajili ya vituo vyetu vya kutoa malezi ya kuelekea katika huduma ya upadri na nyumba za kitawa. Naomba huko tusikanyage kanyage katika miundombinu ya hawa wanaoandaliwa kuwa mapadri. Wasipewe idadi tofauti na mwongozo wa kawaida wakaonekana wao wawe darasa la wanafunzi 25 tu, hapana. Hiyo siyo kazi ya kikundi wala mtu, wito ni wa Mungu anaita anavyotaka. Mungu hawezi akatulazimisha katika wito wetu” ameeleza Askofu Dallu.
Aidha ametoa wito kwa wale wote wanaotunga sheria wajawe na moyo wa upendo na kuleta hali ile ambayo imekuwa nguzo kubwa Kanisa Katoliki Tanzania.
“Tusali tumuombe Mungu shule zetu ambazo zinalea kuelekea kuanza kidato cha kwanza basi wapate nafasi ya kulelewa hapo ili tuwaandae. Tusiweke tu miongozo ambayo itakuwa inatufuta bila hata wadau wenyewe kuzungumza. Hebu fikiria kwa Kanisa la Tanzania nafasi alipo Askofu Mkuu Protase Rugambwa. Yeye ni mtanzania na aliundwa kwa miundombinu hii tuliyonayo Tanzania. Tunaomba tuendelee kuiimarisha miundombinu hiyo na kuikaza zaidi siyo tu kwa ajili ya Kanisa, bali upatikanaji wa elimu bora katika nchi yetu” amesisitiza.
Pia Askofu Dallu ametaka kuimarishwa kwa malezi ya mapadri kwa kusema kuwa malezi ya upadri hayapaswi kuwa ya mkato, na kwamba lazima mapadri walelewe kwa muda wa kutosha.
“Upadri siyo haki ni wito, ni upendo wa Kristo mwenyewe anatushirikisha kwa upendeleo, siyo haki. Upadri ni wa dunia nzima” ameongeza. 


Comments

Post a Comment

Popular posts from this blog

SALA YA ASUBUHI:SALI HIVI..

-
SALA YA ASUBUHI. Kwajina la Baba na la Mwana na la Roho Mtakatifu. Amina. Ee Baba yetu Mungu mkuu, Umenilinda usiku huu. Nakushukuru kwa moyo, Ee Baba, Mwana na Roho. Nilinde tena siku hii, Niache dhambi, nikutii. Naomba sana Baba wee, Baraka zako nipokee. Bikira safi, Ee Maria Nisipotee nisimamie. Mlinzi mkuu malaika wee, Kwa Mungu wetu niombee Nitake nitende mema tu, Na mwisho nije kwako juu. Amina. NIA NJEMA. Kumheshimu Mungu wangu Namtolea roho yangu, Nifanye kazi nipumzike Amri zake tu nishike Wazo, neno, tendo lote Namtolea Mungu pote Roho, mwili chote changu, Pendo na uzima wangu Mungu wangu nitampenda, Wala dhambi sitatenda. Jina lako nasifia, Utakalo hutimia. Kwa utii navumilia Teso na matata pia. Nipe, Bwana, neema zako Niongeze sifa yako. Amina. SALA YA MATOLEO. Ee Yesu, kwa mikono ya Bikira Maria, na kwa maungano na sadaka yako kuu, ninakutolea sala, matendo, masumbuko na furaha zangu zote za leo. Ee Yesu, ufalme wako utufikie. BABA YETU. Baba yetu uliye mbinguni, jina
Read more

Ujio wa Wamisionari wa Kwanza Tanzania Bara (2)

-
Image
Na Charles Rwehumbiza UINJILISHAJI BAGAMOYO NA TANZANIA KWA UJUMLA Kutokea Bagamoyo, wamisionari wa Shirika la Roho Mtakatifu waliweza kuendelea kuinjilisha sehemu mbalimbali za Tanzania kama vile Mhonda (Morogoro), Mandera (Morogoro), Kilema Kibosho (Moshi) na Kondoa, n.k. Kutokana na ugumu wa watu wa Bagamoyo kukubali Injili na uamuzi wa wamisionari wenye asili ya Uholanzi kuhamia Morogoro mjini.  Bagamoyo iliachwa kwa kipindi kirefu bila huduma za mapadri au wakiwa wanapata  huduma ya Misa Takatifu  mara moja kwa mwezi. Jambo hili lilisababisha ukuaji wa Kanisa la Bagamoyo kuwa duni sana hadi mwaka 1992 padri mwafrika wa kwanza alipoingia na kuweka makazi ya kudumu Bagamoyo.  Padri huyu wa kwanza mwafrika kuinjilisha Bagamoyo sio mwingine ila Padrei Valentine Bayo wa Shirika la Roho Mtakatifu. Tangu aingie Bagamoyo, Padri Bayo chini ya usimamizi wa shirika lake, ameweza kuipa Bagamoyo hadhi iliyo nayo leo hii. Hakika haitakuwa vibaya kumwita Padri Bayo “ Baba wa Uinjilish
Read more

HISTORIA YA SHEREHE YA MOYO MTAKATIFU WA YESU

-
Image
  Na Philip Komba Utangulizi:   Ibada ya Moyo Mtakatifu wa Yesu ni moja ya ibada zinazojulikana sana katika Kanisa Katoliki. Ibada hii inauona Moyo wa Kibinadamu wa Yesu kama mwakilishi wa Mapendo yake ya Kimungu kwa wanadamu , na Kanisa nayo inaiona kama Mapendo na Huruma ya Yesu kwa wanadamu wote. Ibada ya Moyo Mtakatifu wa Yesu imefikia hatua hii tunayoishuhudia leo kutokana na maelekezo ya Mtakatifu Margareta Maria Alakok aliyejifunza uendelezaji wake wakati alipokuwa anatokewa na Yesu kwa mfululizo kati ya mwaka 1673 na mwaka 1675. Mtawa mwingine tena, Mwenyeheri Maria wa Moyo Mtakatifu (1863-1899), kutoka Chama cha Kitawa cha Mchungaji Mwema huko Ujerumani, aliisisimkia sana ibada hii baada ya kuwa na mazungumzo ya ana kwa ana na Yesu na akawahi hata kumwomba Papa Leo XIII, autolee ulimwengu wote kwa Moyo Mtakatifu wa Yesu kama alivyotumwa na Yesu. Wakati wa kipindi cha enzi ya kati, watangulizi wa ibada hii mpya, walijitokeza kutoka sehem
Read more